•  
  • hazorasp21@umail.uz
  • +998 (62) 3325 585
Banner eta name="CatCut7d86c196a3" content="B1A98E607F632DF92B0E2FB28F33D084Y2033" />

Maktab direktorlariga korrupsiyani yo'q qilish topshirig'i berildi

Maktab direktorlariga korrupsiyani yo'q qilish topshirig'i berildi

Umumta`lim maktablarining direktorlari ta`lim dargohida korrupsiya illatlarini yo'q qilish va faoliyatini yaxshilash bo'yicha kerakli choralarni ko'rishlari kerak. Bu haqda joriy yilning 17 sentabr kuni Xalq ta`limi vazirligi rahbariyati va Toshkent shahar maktablari direktorlari bilan uchrashuvda ta`kidlandi, deb xabar bermoqda Xalq ta`limi vazirligi axborot xizmati.

Uchrashuv davomida O'zbekiston Respublikasi prezidenti Shavkat Mirziyoyev boshchiligida mamlakatda xalq ta`limi tizimini isloh qilish va o'qituvchilarni qo'llab-quvvatlash bo'yicha choralar amalga oshirilayotgani qayd etildi.

Xususan, 2018 yilning 5 sentabr kuni davlat rahbari “Xalq ta`limini boshqarish tizimini takomillashtirish bo'yicha qo'shimcha chora-tadbirlar to'g'risida”gi farmonni imzoladi. Ushbu hujjat maktablarga ijara, homiylik, qo'shimcha to'garaklar va xizmatlar ko'rsatish orqali byudjyetdan tashqari qo'shimcha mablag' ishlash imkoniyatini ochib berdi. Mablag'larni o'qituvchilar va direktorlarni rag'batlantirishga yo'naltirish imkoniyati ham mavjud. Avvallari maktablar o'zlari qo'shimcha ishlagan daromadlarining kichik qismini sarflash imkoniyatiga ega edilar va ko'rsatilayotgan xizmatlarni qonuniy rasmiylashtirishga qiziqish juda sust bo'lgan.

Xalq ta`lim vazirligi rahbariyatining ta`kidlashicha, maktab direktorlari qonuniy ishlashlari va berilayotgan imkoniyatlardan foydalanishlari lozim. Poytaxtimiz maktablari qolganlar uchun o'rnak bo'lish kerakligi aytildi.

Foto: Xalq ta`limi vazirligi Axborot xizmati

Shu bilan birga talab yuqori bo'lgan maktablarda bolalarni ta`lim muassasalariga o'qishga qabul qilishda korrupsiya belgilarini yo'qotish uchun kelgusi o'quv yilidan boshlab ushbu maktablarga qabul qilish Adliya vazirligi qoshidagi Davlat xizmatlari agentligining yagona darcha markazi orqali amalga oshiriladi. Bu orqali noqonuniy harakatlarni amalga oshirayotgan rahbarlar va ularning vositachilarining shaxsiy manfaatlari yo'lidagi harakatlariga chek qo'yiladi.

Shu bilan birga, ota-onalar tomonidan talab yuqori bo'lgan maktablarga tarmoq maktablari tashkil etish huquqi taqdim etiladi. Bu esa maktablarda joy yetishmasligi va korrupsiya omillarining kamayishiga yordam beradi.

Muvaffaqiyatli faoliyat yuritayotgan direktorlar ushbu tarmoq maktablari hisobidan ko'proq mablag'lar ishlashlari, bu esa maktab pul mablag'larini moliyalashtirish tizimi (“Pul o'quvchi ortidan keladi” tamoyili)ni samarali joriy etish orqali amalga oshiriladi. Ushbu tizim orqali muvaffaqiyatli maktablar ko'proq moliyalashtirishga ega bo'ladilar.

Hozirgi kunda Toshkentdagi yuzga yaqin maktablar o'zlarining loyihaviy quvvatlaridan kam bo'lgan kontingent bilan ishlayotgani, ularning direktorlari ta`lim berishni sifatli darajada yo'lga qo'ya olmayotgani va ota-onalar farzandlarini bunday maktablarga yuborishdan manfaatdor emasligi aytib o'tildi. Vaholanki, o'z faoliyatini samarali tashkil etgan maktablarda esa joy yetishmovchiligi mavjud va ta`lim bir necha smenada tashkil etilgan.

Foto: Xalq ta`limi vazirligi Axborot xizmati

Shuningdek, Maktab direktorlariga o'zlari rahbarlik qilayotgan muassasalarda ta`lim berish bo'yicha xizmatlarning samaradorligini oshirish vazifasi yuklatildi. Agar vaziyat o'zgarmasa, past ko'rsatkichli maktablar muvaffaqiyatli faoliyat yuritayotgan maktablarning filialiga aylantirilishi ta`kidlandi.

Shu bilan birga, maktab direktorlari turli maqsadlar uchun noqonuniy pul yig'imlarga chek qo'yishlari lozim. Uchrashuv davomida vazirlik yaqin kunlarda maktablarda onlayn to'lov tizimlari orqali homiylikni yangi mexanizmlarini ishga tushirilishi, ushbu tizim orqali maktab direktorlari muvaffaqiyatga erishgan bitiruvchilarini o'z maktabiga yordam berish maqsadida homiylik mablag'larini jalb etishlari mumkinligi aytib o'tildi.

07:58
76
Sayt hamkorlari
Авторизация
Yil dasturi
Foydali manbalar
Saytimiz dizayni yoqdimi?
Maktabda o'quvchilar mobile aloqa vositasini ishlatishini qanday baholaysiz?
Ob-havo ma'lumoti
Tug'ilgan kuningiz bilan